Ең көп заңбұзушылық Нұр-Сұлтан қаласында (278) және ШҚО-да (80) анықталған. Одан кейін Түркістан облысында (38), БҚО-да (33), Қостанай облысында және Маңғыстау облысында (32-ден), Жетісу облысында (30) тіркелген. Одан кейін Алматы облысы (28), Атырау облысы (27), Алматы қаласы және Жамбыл облысы (23-тен), Ақмола облысы (21) тұр.
Павлодар облысында – 17, Ақтөбе облысында – 13, СҚО – 12, Қарағанды облысында және Қызылорда облысында – 11, Абай облысында және Шымкент қаласында – 10 фактілер тіркелді. Ең аз заңбұзушылықтар Ұлытау облысында анықталды (6).
«Түсіндірулер нәтижесінде сауда объектілері ӘМАТ-қа өздерінің сауда үстемелерін 5-15%-ға дейін өз еркімен төмендетті. Бұл ретте, сауда үстемесін асыра пайдаланғаны үшін әкімшілік сипаттағы шаралар қолданылды. Ішкі сауда субъектілеріне қатысты ескерту түрінде 126 әкімшілік хаттама толтырылды, 1 айыппұл салынды», — делінген хабарламада.
Сауда комитетінде атап өткендей, тексерістер ірі қалалар мен облыс және аудан орталықтарында жүргізіледі. Мониторингтік топтардың құрамына халық және партия өкілдері де кіреді.
