Риддер қаласының 31 жастағы тұрғыны алимент төлемегені үшін сотталды, деп хабарлайды alataunews.kz.
Сот шешімі бойынша, оған бас бостандығын шектеу жазасы тағайындалған, бірақ пробация қызметінің есебіне келмеген және тексеру кезінде тұрғылықты жерінде болмағандықтан, бұл жаза бір жылға бас бостандығынан айырумен ауыстырылды.
Сотталушының айтуынша, ол мен күйеуі екеуінің бұрын ата-ана құқығынан айырылғанын айтты. «Бізден алимент төлеуді талап етті. Бұл мәселенің мән-жайын түсінбей, сот шешіміне мән бермедім. Қазір балам 12 жаста. Оған жақсы ана бола алмадым, оның алдында өзімді кінәлі сезінемін. Ол мені бір күні кешірер деп үміттенемін,» – деді Риддер қаласының сотталған тұрғыны.
Әйел жазасын Абай ауданындағы колонияда өтейді. Қазіргі уақытта мекеме қызметкерлері оған түсіндірме жұмыстарын жүргізіп жатыр.
