«Ауданда шағын кәсіпкерлік субъектілері болып табылатын 12 өнеркәсіптік кәсіпорын жұмыс істейді. Оның негізгілері: көмір өндіру бойынша «Бүркіт» компаниясы (35 жұмыс орны) және алтын өндіру бойынша «Нарын Голд» компаниясы. Олар бүгінде өз қызметін тоқтатты», — деді Марат Сұлтанғазиев өз баяндамасында.
Сондай-ақ, ауданға 2,1 млрд. теңге инвестиция тартылды. 2030 жылға дейін жүзеге асырылатын 138 жобаның 13-і Райымбек ауданына тиесілі. Жобаның жалпы құны 3,3 млрд. теңге.
Олар қуаттылығы жылына 750 тонна ірі қара мал етін және 250 тонна ұсақ мал етін өндіретін бордақылау кешенінің құрылысы. Қуаттылығы жылына 1080 тонна сүт, 50 тонна ет өндіретін асыл тұқымды ферма құру, қуаты 200 бас ірі қара мал өсіру бойынша мал шаруашылығын кеңейту және т.б.
Марат Сұлтанғазиев орынбасары Б.Қ. Байжұманов пен ауыл шаруашылығы басқармасына аудан әкімімен бірлесіп ауыл шаруашылығы өнімдерін өңдеу зауыттарын ашу үшін инвесторлар тартуды тапсырды.
