«Қазгидромет» РМК синоптиктері 10 қазанда Қазақстанның көптеген өңірлерінде ауа райының қолайсыз болатынын ескертті, деп хабарлайды alataunews.kz.
Ұлытау, Қарағанды, Батыс Қазақстан, Түркістан, Маңғыстау, Қостанай, Атырау, Ақтөбе және басқа да облыстарда қатты жел, найзағай және жоғары өрт қаупі күтіледі. Кейбір аймақтарда желдің екпіні секундына 23-28 метрге дейін жетіп, төтенше өрт қаупі туындайды. Сонымен қатар, тұман және шаңды дауылдар орын алуы мүмкін. Мамандар азаматтарды сақтық шараларын ұстануға шақырады.
