Қазақстандық кәсіпқой боксшы Ангелина Лукас Таиландта өткен кәсіпқой бокс кешінде чемпион атанды, деп хабарлайды alataunews.kz.
Боксшы Бангкокте өткен кәсіпқой бокс кешінде IBO тұжырымы бойынша әлем чемпионы атағын иеленді.
Қазақстандық спортшы аргентиналық Дебора Анаи Лопеспен жекпе-жек өткізді. Кездесу 10 раундқа жоспарланған болатын және толығымен өтті. Төрешілердің шешімі бойынша жеңіс Қазақстан боксшысының еншісіне бұйырды.
«Қазақстан тарихында алғаш рет. Әйелдер боксында ең ірі жеңіс. Мен WBO тұжырымы бойынша төрт дүркін чемпион болған аргентиналық боксшыны жеңіп, IBO чемпиондық титулын иелендім. Мен өте бақыттымын», – деп жазды Ангелина Лукас әлеуметтік желідегі парақшасында.
