2024 жылғы 26 қыркүйектегі Үкімет қаулысымен ҚР Президентінің «Әскери міндеттілерді резервке және 2024 жылы ҚР азаматтарын міндетті әскери қызметке шақыру туралы» Жарлығын іске асыру қаулысына түзетулер енгізілді, деп хабарлайды alataunews.kz.
Бұл өзгерістерге сәйкес, облыстар мен Астана, Алматы және Шымкент қалаларының әкімдері шақыру комиссияларының жұмысын ұйымдастыруды және наурыз-маусым мен қыркүйек-желтоқсан айларында кейінге қалдыруға құқығы жоқ 18-27 жас аралығындағы 40 202 азаматты әскерге шақыруды қамтамасыз етуі тиіс.
Бұған дейін 2023 жылы 39 180 азаматты әскерге шақыру жоспарланған еді. 2023 жылдың наурыз-маусым және қыркүйек-желтоқсан айларында 18-27 жас аралығындағы 37 056 азамат әскери қызметке алынған болатын.
Қаулы 2024 жылғы 26 қыркүйектен бастап күшіне енді.
