2024 жылғы 24 қыркүйектегі Үкімет отырысында Қазақстан Премьер-министрінің орынбасары Қанат Бозымбаев ауқымды су тасқынынан келтірілген залалдың көлемін жариялады, деп хабарлайды alataunews.kz.
Су тасқыны 120 мыңнан астам адамға зиянын тигізгенін атап өткен Бозымбаев: «Мемлекет зардап шеккендерге барлық қажетті көмекті көрсетті. Баспанасыз қалғандарға эвакуациялық пункттер ұйымдастырылды. 34 мыңнан астам отбасы 12,6 миллиард теңге көлемінде біржолғы төлем алды. Сонымен қатар, 21 880 отбасының материалдық залалы 150 АЕК мөлшерінде өтелді, жалпы сомасы 10 миллиард теңге болды. Шағын және орта бизнеске келтірілген мүліктік шығындар үшін 615 өтініш бойынша 10,2 миллиард теңгеден астам қаржы төленді», – деді.
Сондай-ақ, ауыл шаруашылығына келтірілген зиян үшін агроөнеркәсіптік кешен субъектілеріне 3,15 миллиард теңге бөлінгені де айтылды. Бизнес шығындарын өтеу жөніндегі ережелердің күші 2025 жылдың сәуіріне дейін ұзартылатыны мәлімденді.
