Алматыда 22 қыркүйекке қараған түні ҰҚК Шекара академиясының бір курсанты қаза болды. Бұл ақпаратты полиция растады, деп хабарлайды alataunews.kz.
Әлеуметтік желілерде 22 қыркүйекке қараған түні Шекара академиясының курсанты Достық даңғылындағы көпқабатты үйден секіргені туралы мәлімет тарады. Полиция осы қайғылы оқиғаға байланысты қылмыстық іс қозғалғанын хабарлады.
«Бұл факті бойынша Медеу аудандық полиция басқармасы қылмыстық іс қозғады. Қайғылы оқиғаның себебі мен мән-жайы анықталып жатыр», – делінген Алматы полиция департаментінің хабарламасында.
