Облыс басшысы Алматы-Өскемен автотрассасының учаскесіндегі, Алматы-Өскемен-Лепсі-Ақтоғай және Лепсі-Балқаш көлі жолдарындағы жөндеу жұмыстарының барысын бағалады.
Мердігер компанияның өкілі әкімге жыл соңына дейін Алматы-Өскемен тас жолының бойында асфальттың бірінші қабаты төселетінін және қозғалыс ашылатынын хабарлады.
Аталып өткендей, жоспар бойынша Алматы-Өскемен-Лепсі-Ақтоғай жолы қайта жөнделуде. Бүгінде 110 шақырымның 35 шақырымында жұмыстар орындалды.
Жолда демалуға арналған 4 алаң, соның ішінде күркелер, машиналарды жөндеуге арналған Эстакадалар мен дәретханалар орнатылады. Жол екі жолақты болады.
Сонымен қатар, Балқаш көліне дейінгі ұзындығы 27 км жолдың негізі қаланды, 15 жасанды құрылыстың 14-і орнатылды. Әзірге қозғалыс айналма жолмен жүріп жатыр. Бұл инфрақұрылымдық жобалардың барлығы 2023 жылы пайдалануға беріледі деп жоспарлануда, деп хабарлады баспасөз қызметі.
«Мамандармен бірге барлық проблемалық учаскелерді аралап шыққан Облыс әкімі Бейбіт Исабаев айналма жолдардың жағдайына тұрақты бақылау жүргізуді, шаң басу мақсатында үнемі суаруды жүзеге асыруды тапсырды, бұл ретте мердігер ұйымдар арнайы техника мен адамдардың санын азайтпауы тиіс», — деп хабарлады облыс әкімінің баспасөз қызметі.
