Қазақстанның қай өңірінің адамдары ішімдікке әуес екені белгілі болды, деп хабарлайды alataunews.kz.
Ұлттық статистика бюросының деректеріне сәйкес, биылғы жылдың екінші тоқсанында ішімдікті ең көп тұтынатын аймақтар қатарында Шығыс Қазақстан облысы көш бастап тұр. Павлодар облысы мен Алматы қаласы да алғашқы үштіктен орын алған. Ал ішімдікті ең аз тұтынатын аймақтар – Қызылорда, Ақтөбе және Маңғыстау облыстары.
Тамыз айындағы мәліметтерге қарағанда, айлық динамика бойынша ішімдік бағасы 0,4 пайызға, ал бір жыл ішінде 9,3 пайызға қымбаттаған. Мысалы, шарап бағасы 0,8 пайызға, сыра 0,5 пайызға көтерілсе, арақ керісінше 0,2 пайызға арзандаған. Жылдық көрсеткіштер бойынша шарап 9,9 пайызға, сыра 14,4 пайызға, ал арақ 3,6 пайызға қымбаттаған.
