«Қазгидромет» РМК синоптиктері 12, 13, 14 қыркүйекке арналған ауа райы болжамын жариялады, деп хабарлайды alataunews.kz.
Синоптиктердің мәліметінше, алдағы үш күнде Қазақстанда ауа температурасы төмендейді.
Республиканың басым бөлігінде кең ауқымды антициклон әсерін сақтап, жауын-шашынсыз ауа райын қамтамасыз еткеніне қарамастан, солтүстіктен келетін салқын ауа ағындары оның ықпалына әсер етеді.
«Соның нәтижесінде ауа температурасының төмендеуі күтілуде», — деп хабарлады «Қазгидромет» РМК баспасөз қызметі.
Тек республиканың шығыс және оңтүстік-шығыс өңірлерінде атмосфералық фронттардың әсерінен жаңбыр жауып, кей жерлерде түнде қарға айналуы мүмкін деген болжам бар.
Еске сала кетейік, бұған дейін 11 қыркүйекте Қазақстанның 13 облысында дауылды ескерту жарияланған болатын.
