Кеген ауданында жайылымдық жер өзекті мәселелердің бірі.
«Өзімнің берген тапсырмама орай, тиісті облыстық басқарма пайдаланбай жатқан жайылымдық жер учаскесін мемлекет мұқтажы үшін қайтару жұмыстарын жүйелі түрде жүргізіп жатыр. Бұл салада талдау-түгендеу жұмыстары жалғасады. Менің жеке бақылауымда!», — деді облыс әкімі Марат Сұлтанғазиев аудан халқымен кездесуде.
Ауданда жайылымдыққа тиесілі 435,2 мың гектар жер бар. Жекенің қолына өтіп, ешкімнің кәдесіне жарамай тұрған жер учаскелері де бар. Үш жекеменшік кәсіпкердің қолында 17,8 мың гектар жайылымдық жер пайдаланылмай отыр.
Олар: ЖШС «Сафари Тау Шелек» – 5,6 мың га, ЖШС «Рахат тур» – 10,2 мың га, ЖШС «Өсімдік» -2 мың га.
