«2022 жылғы 1 тамыздағы жағдай бойынша облысымызда орман аумақтарының 949 гектарында 114 өрт фактісі тіркелген. Оның 160 гектары орман аумағын құрайды. Тілсіз жаудың келтірілген залалы 46,6 миллион теңге», — деді Руслан Төлепбаев.
Орман өртінің 81 жағдайына найзағай ұшқындары себеп болған, 20 жағдайда себеп анықталмаған, 12 жағдайда дала өртінің орман өртіне ұласуы және 1 жағдайда электр сымдарының үзілуі себеп болған.
«Жалпы, дала өрті орын алып, ол орман аумағына көшкен кезде сол жер учаскесінің иесі кінәлі болады. Ал, кінәлілер анықталмаған жағдайда орман қорғау мекемелері дала өртін сөндіруге уақытында шара қолданбағаны үшін шығынды өтеуді жергілікті әкімдіктерден талап етеді», — деді Руслан Төлепбаев.
Биылғы орман өртіне байланысты Железин ауданындағы Башмачное мен Железин ауылдарының әкімдіктеріне 3 млн теңге шығынды өтеу талабы қойылды.
Одан бөлек, 2 адамның жер учаскесінде басталған өрт орман аумағына өткені анықталып, оларға 53,6 мың теңге айыппұл салынды.
