Синоптиктердің мәліметінше, ауа райына Солтүстік Атлантикалық циклон әсер етеді. Еліміздің көп бөлігінде ауа райының тұрақсыз сипаты сақталады, жаңбыр жауып, найзағай ойнап, қатты жел, бұршақ жауады. Қатты жаңбыр 13 тамызда солтүстік-батыста, солтүстікте, 14-16 тамызда батыста, солтүсті-батыста, солтүстікте күтіледі. Қазақстан бойынша жел күшейеді.
«Еліміздің оңтүстігі мен шығысында күндізгі уақытта +35+38 градус қатты ыстық күтіледі, Қазақстанның қалған аумағында термометр бағандары +18+26 градустан +22+33 градусқа дейін ауытқиды», — деп жазылған хабарламада.
