Республикалық төтенше жағдай саласы мамандарының айтуынша, бірінші қаңтардан бері 184 адам суға кетіп, ажал құшқан. Оның 62-сі бала. Ал шомылу маусымы басталғалы 49 бала мен 91 ересек адам суға батып кетті.
«Жыл басынан бері Алматы облысында 22 адам суға кетті, оның 5-і бала. Шомылу маусымы басталғалы 14 адам суға батып қаза тапты. Өкінішке орай, 4-і бала», — дейді облыстық төтенше жағдай мамандары.
Жыл басынан бері құтқарылғандар саны 247 адам, оның 83-і бала. Құтқарушылар тәулігіне ең аз дегенде төрт адамның өмірін судан аман алып қалып жатады.
