«ОйлТранспортКорпорейшн» ЖШС-ның («ҚазМұнайГаз» ҰК АҚ еншілес кәсіпорны) лауазымды тұлғалары тауар жеткізушіден 1,5 млрд теңгеден астам сомаға техникалық ерекшелікке сәйкес келмейтін автобустарды қабылдағаны анықталды. Бұл ретте олардың құны 400 млн теңгеге жоғарылатылған.
«Жұмыс істемеген арнайы техника қызметтері үшін 110 млн теңге мөлшерінде ақша қаражатын аудару фактілері белгілі болды.
Ал West Oil Software ЖШС-да («ОйлТранспортКорпорейшн» ЖШС мердігерлік ұйымы) жұмыс істемеген адамдарға 400 млн теңгеден астам жалақы төлеу, компания басшылығының жақын туыстарын қоса алғанда, негізсіз жалақы есептеу деректері де анықталды», – делінген хабарламада.
Аталған бұзушылықтар бойынша Қылмыстық кодекстің 189-бабы 4-бөлігі («сеніп тапсырылған бөтен мүлікті ірі мөлшерде беру немесе жымқыру») бойынша 5 сотқа дейінгі тергеп-тексеру басталды. Процестік прокурорлар тағайындалды.
Сотқа дейінгі тергеп-тексеру шеңберінде аталған ұйымдардағы 4 лауазымды тұлға ұсталды.
Қылмыстық істер облыстық Экономикалық тергеу департаментінің өндірісінде.
Басқа мәліметтер тергеу мүддесі үшін жария етілмейді.
