Болжамға сәйкес, солтүстік және орталық аймақтарды қоспағанда, еліміздің басым бөлігінде жаңбыр жауады.
«Атмосфералық фронтальды бөліктердің жылжуына байланысты ҚР аумағының басым бөлігінде ауа райы тұрақсыз сипатқа ие болады: найзағай ойнап, жаңбыр жауады, еліміздің шығысында қатты жаңбыр жауады, күндіз бұршақ түседі деп күтіледі. Алайда, еліміздің солтүстік және орталық аймақтарына жауын-шашынсыз ауа райын тудыратын антициклон әсер етеді. Республикамыз бойынша ортақ табиғи құбылыс желдің екпін алуы болмақ, шығыс өңірде түнде және таңертең тұман болады», — делінген хабарламада.
Батыс Қазақстан, Қызылорда, Маңғыстау облыстарында, Атырау өңірінің оңтүстігінде, солтүстігінде, шығысында, орталығында, солтүстік-шығысында, Түркістан облысының таулы аймақтарында, Жамбыл облысының солтүстік-батысында, оңтүстік-шығысында, Қостанай өңірінің оңтүстігінде, Ақтөбе, Қарағанды және Ұлытау облыстарының солтүстігінде, батысында, оңтүстігінде жоғары өрт қаупі сақталады.
Түркістан облысының шөлейтті аудандарында, Атырау облысының солтүстік-батысында, Қызылорда облысының шығысында, батысында, Батыс Қазақстан облысының оңтүстігінде, Шығыс Қазақстан облысының оңтүстігінде төтенше өрт қаупі сақталады.
