Қазақстанда адам саудасына қарсы іс-қимыл туралы заңның екінші оқылымында мәжіліс қабылдаған заң аясында, вандализм үшін де жауапкершілікті күшейтетін болды.
Қылмыстық кодекстің 203 бабы «Ерекше құндылығы бар заттарды қасақана жою, әкету немесе бүлдіру» жаңа біліктілік нормаларымен толықтырылады. Олар: адамдардың қоғамдық орындағы мүліктерді топпен қиратуы немесе сөз байласып бірнеше рет жасалған қастандық.
ҚР Қылмыстық Кодексінің 294-бабы бойынша вандализм үшін айыппұл 50-160 АЕК-тен 100-200 АЕК-ке дейін ұлғаяды (2024 жылы — 738 мың теңге). Сонымен қатар, 160 сағатқа дейін түзету және қоғамдық жұмыстарға жегу немесе 40 тәуліктің орнына 50 тәулікке дейін қамауға алу қарастырылған.
Қылмыстық Кодекстің «Вандализм» туралы бабы 2-бөліммен толықтырылады. Олар: әлеуметтік, ұлттық, нәсілдік немесе діни араздыққа негізделген вандализм және адамдар тобы, қастандық жасағандар тобы, қасақана немесе бірнеше рет жасағандар. Бұл үшін 300-ден 600 сағатқа дейінгі мерзімге түзеу және қоғамдық жұмыстарға жегі, 500-ден 200 мың АЕК-ке дейін (ең көбі 738 млн теңге) айыппұл салу, үш жылға дейінгі мерзімге бас бостандығын шектеу немесе сол мерзімге бас бостандығынан айыру арқылы жазаланатын болады.
Белгіленбеген жерлерде қоқыс шығарғаны үшін айыппұл 5–тен 10 АЕК-ке дейін (36 920 теңге), ал бір жыл ішінде қайтадан құқық бұзса айыппұл 10-нан 20 АЕК-ке дейін ұлғайтылады.
Ғимараттарды, тұрғын үй – жайларды, қоғамдық орындарды, көлікке зақым келтіру түріндегі ұсақ бұзақылық үшін айыппұл 20-дан 50 АЕК-ке дейін (ең көбі 184 600 теңге), ал қамауға алудың ең көп мерзімі — 15-тен 20 тәулікке дейін ұлғайтылады. Бір жыл ішінде қайталанған құқық бұзушылық 15-тен емес, 20-дан 30 күнге дейін қамауға алуға әкеп соғады.
Фото: depositphotos.com
