«Аталған факті бойынша қылмыстық іс қозғалды. Сараптама тағайындалып, тергеу жүргізіліп жатыр. Тергеу мүддесінде басқа ақпарат жария етілмейді», -деп хабарлады департамент.
Айта кетейік, бұған дейін Қазақстанның БАӘ-дегі елшіліктің кеңесшісі Сәкен Мамаш әйеліне үнемі күш көрсететіні, тіпті жұбайының әпкесіне де қол көтергені туралы ақпарат тараған еді.
«Маған физикалық, жыныстық, эмоционалдық, тұрмыстық зорлық көрсетті. Күйеуімнің маған жасаған барлық қиянаты үшін дипломатиялық мәртебесінен айырып, түрмеге жабылғанын қалаймын», — деген еді ол.
ҚР Сыртқы істер министрлігі зардап шеккен қазақстандықтың БАӘ-ден отанына оралуына көмектесті.
