Зауыт алюминий профильдерін шығарады. Өндіріс орны соңғы үлгідегі технологиялармен жарақталған. Ал өнімдеріне алыс-жақын шетелдерде қызығушылық жоғары.
Компания Іле ауданында тіркелген, жергілікті өндірушілерді қолдау және дамыту мақсатында 2013 жылы құрылған.
«Компанияның өнімдері еліміздің әлеуметтік-маңызды және имидждік нысандарын салу кезінде қолданылады, сондай-ақ жақын шет елдерге экспортталады», – деді кәсіпорын басшысы.
«Hoffmann» сауда белгісімен «Aluminium of Kazakhstan» ЖШС кең мақсаттағы алюминий профильдерін өндіру бойынша толық циклді көшбасшы кәсіпорын болып табылады.
Зауыттың бас директоры Жұмабек Нұрсұлтан «алюминий профильдерін өндіру және экструзия» жобасын таныстыра отырып, корпоративтік табыс салығы мен қосылған құнға салынатын салық бойынша қосымша есептеуге қатысты тексеру актісі бойынша мәселені талқылауға шығарды.
Аймақ басшысының айтуынша, «Aluminium of Kazakhstan» ЖШС мәселесі әкімдіктің құзырына кірмейді, бірақ компания ірі салық төлеуші болғандықтан, бұл мәселені қарастыруды тапсырды. Сонымен қатар, егер компания кеңейтуді шешсе және ол үшін перспективалы бизнес-жоспар ұсынса, ынтымақтастық туралы уәде берді.
Айта кету керек, құрылыс пен дамуға құрылтайшылардың жеке капиталының шамамен 4 трлн теңгесі инвестицияланды. Компания құрылған сәттен бастап шамамен 30 мың тонна өнім өндірілді, жұмыс орындарының саны 700-ге дейін ұлғайды, бюджетке түсетін түсімдер жылына 2 млрд-ты құрайды.
