«11 сәуір сағат 10.00 жағдай бойынша Азаматтық қорғау қызметі су тасқынынан 97 мыңнан аса адамды эвакуацияланды. Оның – 32 мыңнан астамы бала. Қазір уақытша орналастыру пунктерінде 7 173 адам бар. Оның – 3494 мыңы бала», — деді Ерасыл Сайпаш ОКҚ-да өткен брифингте.
Оның айтуынша, ТЖМ мен жергілікті атқарушы органдардың күштерімен 8 млн-нан аса текше метр еріген қар суы сорылған, 1 млн 400 мыңнан астам қапшық, 1 млн 100 тонна инертті материал төселген.
«Авариялық құтқару жұмыстарына 27 мыңнан аса адам мен 3 мыңға жуық техника, 15 әуе кемесі жұмылдырылды.Еліміздің 8 өңірінде Ақтөбе, Қостанай, Батыс Қазақстан, Ұлытау, Ақмола, Қарағанды, Атырау және Солтүстік Қазақстан облыстарында жергілікті деңгейдегі 29 төтенше жағдай жарияланды», — деді ТЖМ өкілі.
