Жамбыл облысының 25 жастағы тұрғыны бірнеше мүліктік қылмыс жасағаны үшін ұсталды. Ол тұрғын үйлердің кіреберістерінен балалар арбасы мен сәбилерге арналған велосипедтерді ұрлап жүрген.
“Әйел бейнебақылау камераларына да қарамай, қызынан да ұялмай, оның көзінше бірнеше рет қылмыс жасаған. Қазір оның бөтен адамдардың мүлкін ұрлау бойынша 8 дерекке қатысы бар екендігі дәлелденді. Бұл бағыттағы жұмыстар жалғасады”, — деді Бостандық аудандық ПБ бастығы Думан Аухадиев.
Сотқа дейінгі тергеу ҚР ҚК-нің 188-бабы 2-бөлігі бойынша жүргізіліп жатыр.
