Талдау барысында Алматы облысы бойынша «Ветеринариялық станция» ПВХ МКК биыл қаңтарда жалпы сомасы 223 млн теңгеге 1043 қызметкерге жалақы төлемегені анықталды.
«Прокуратураның қадағалау актісі бойынша қызметкерлер алдындағы жалақы толығымен өтелді, жоғарыда аталған ұйымның басшысы ҚР ӘҚБтК 87-бабы бойынша 150 АЕК (553 800 теңге) мөлшерінде айыппұл салу арқылы әкімшілік жауапкершілікке тартылды, бүгінгі күні басшымен көрсеткен сома өтелді», — делінген Алматы облысының прокуратурасы таратқан хабарламада.
Сонымен қатар, жалақыны уақтылы төлемеген жағдайда заңнамада әкімшілік құқық бұзушылық туралы ҚР Кодексінің 87-бабы, сондай-ақ ҚР Қылмыстық кодексінің 152-бабы 3-бөлігі бойынша жауапкершілік көзделгенін түсіндіреміз.
