Дауыс беру нәтижесінде Еңбекшіқазақ ауданындағы Түрген ауылдық округіне Мақсат Демесинов және Шелек ауылдық округіне Айдар Дауткулов әкім болып сайланды.
Тұрғындар Қарасай ауданына қарасты Шамалған ауылдық округінің әкімі қылып Бахыт Жақаевты таңдады.
Кеген ауданындағы Жалаңаш ауылдық округінің әкімі болып Айгүл Садырова таңдалса, дауыс берушілердің ұйғарымымен Райымбек ауданы Сүмбе ауылдық округінің басшысы лауазымына Азамат Саламат сайланды.
Айта кету керек, кандидаттар сайлауалды бағдарламасында ауылдың әлеуметтік жағдайын жақсарту, көшелерді абаттандыру, жұмыссыздықты жою сынды мәселелерді шешетінін атап көрсеткен.
Жеңіске жеткен кандидаттардың барлығы — аманаттықтар.
