Ауруханның баспасөз қызметінің мәліметінше, сәби отбасындағы 4-ші бала екен. Ал жүкті әйел жер сілкінісін сезбей қалған.
«Нәресте мен оның жолдасын құрсақ қуысы мен жатырды кесу арқылы шығару кезінде, жан-жағымыз дір ете қалғанын сездік. Бұл жер сілкінісі екендігін түсіндік. Дегенмен, ана мен бала өмірінің қауіпсіздігінің маңыздылығын ойлап, отаны сәтті аяқтауды көздедік. Мен жатырды тігуге кірістім. Әйелге жұлын анестезиясы берілгендіктен, ол нәрестесінің аман-есен дүниеге келгенін түсініп, жақсы сезімде болды. Мен үшін оның сол кездегі психологиялық тыныштығы бәрінен де маңызды еді. Сүйкімді сәбиіңіз дүниеге келді, құттықтаймыз дедім», — деді Раушан Абдувалиева.
Раушан Абдувалиева жолдасы мен балаларына тек ота аяқталған соң ғана қоңырау шалып, жағдайларын сұраған екен. Себебі, мұндай сәтте ең бастысы ол ана мен баланың денсаулығы екенін алға тартты.
«Мен, бұл күнге дейін, баланы босану кезінде, жер сілкінісі болатынын елестете де алмағанмын. Бірақ эмоцияға берілмеу, менің назарымды қуанышты оқиғаға аударуға көмектесті. Жамандық туралы ойлағым да келмеді. Ота сәтті аяқталды, дегенмен есімізде мәңгілік сақталып қалатыны сөзсіз!», — деп сөзін аяқтады акушер-гинеколог дәрігер Раушан Абдувалиева.
Ұл бала салмағы 3910 грамм, бойы 55 см болып дүниеге келді. Ананың да, жаңа туған нәрестенің де жағдайы жақсы.
