Тәрбиеші жұмыстан шығып кеткен. Желідегі ақпарат бойынша, бала балабақшада екінші күн ғана келіпті.
«Баланың әлі үйренбегені белгілі, мүмкін жылап та жүрген шығар. Бірақ оны бұлай ұру керек деген сөз емес қой. Аспаз ұрған. Осы уақытта, тәрбиеші мен күтуші қайда болған?», — деп наразылығын білдірді автор.
Облыстық білім басқармасы, оқиғаның Түркістан қаласындағы балабақшалардың бірінде болғанын растады.
«Видеодағы аспаз емес, тәрбиеші. Ата-анасы құқық қорғау органдарына шағымданды. Тәрбиеші жұмыстан кетті», — деді ведомство.
