Баланы аяусыз ұрып-соғып жатқан бейнеролик әлеуметтік желілерде тарады. Оны алдымен бір бала, артынша тағы бірнеше бала жабылып бірнеше минут бойы тепкінің астына алды.
Кейін белгілі болғандай, жағдай балалардың тәрбиеші қарауынсыз қалған уақытында болған. Алайда тәрбиеші кінәсін мойындамай, бала өзі ұрып алды деген. Қазіргі уақытта, жолдастарынан зәбір көрген баланың ми шайқалуы диагнозымен және көптеген дене жарақаттарымен ауруханада жатыр.
«Тәртіп бұзған тәрбиешіге қатаң сөгіс түріндегі тәртіптік жаза қолданылды», — деп хабарлады Алматы қаласының білім басқармасы.
