Мәлімет бойынша, 2014 жылы туған бала мен оның ата-анасы АИТВ инфекциясымен 2016 жылдан бері ЖИТС орталығында есепте тұрған. Сондай-ақ, 2018 жылы туған қыздарында 2019 жылы АИТВ инфекциясы анықталған.
Бала Алматыдағы №2 қалалық балалар ауруханасына денсаулығының күрт нашарлауына байланысты 9 қаңтарда түскен. Баланы ауруханаға қабылдау кезінде ата-анасы АИТВ инфекциясын жұқтырғанын жасырған. 27 қаңтарда бала сепсис пен пневмониядан, яғни АИТВ-мен байланысты аурулардан қайтыс болды.
Дәрігерлер, балаға ата-анасы қажетті дәрі-дәрмекті бермеген, соның салдарынан қайтыс болды деп отыр.
