Ота сәтті өтті. Пациент жақсарып келеді. Чип ойлау арқылы телефонды немесе компьютерді басқаруға мүмкіндік береді, ал ол арқылы кез-келген құрылғыны басқаруға болады.
Илон Масктың сөзінше, Neuralink-тің алғашқы өнімі Telepathy (Телепатия) деп аталады. Оның алғашқы иелері аяқ-қолдарын қозғалта алмайтындар болады. Neurolink 2016 жылы құрылған және имплантацияланатын нейрокомпьютерлік интерфейстерді әзірлеуге және өндіруге арналған. Компанияның Штаб-пәтері Сан-Францискода орналасқан.
Еске салсақ, 2022 жылдың басында Neuralink АҚШ-тың азық-түлік және дәрі-дәрмек басқармасына (FDA) адамдарға инвазивті интерфейс (микрочип) зерттеулерін жүргізуге рұқсат алуға өтініш берген.
Ал 2023 жылдың қыркүйегінде Neurolink адам чиптерін алғашқы клиникалық сынау үшін пациенттерді сәйкестендіру (іріктеп таңдау) процесін бастайтынын жариялады.
