Алматы қаласы ПД мәліметінше, 1-2 ақпанда Қазақстан, Армения, Беларусь, Қырғызстан, Ресей үкімет басшыларының және Еуразиялық экономикалық комиссия алқасы төрағасының қатысуымен Еуразиялық үкіметаралық кеңестің отырысы өтеді.
Сонымен қатар, Алматы дәстүрлі түрде жыл сайынғы Digital Almaty форумын өткізетін орын.
Осыған орай, шараның ауқымы мен күтілетін қонақтардың санын ескеріп, Алматы полиция Департаменті 1-2 ақпанда көлік қозғалысына ішінара шектеу қойылатынын хабарлайды:
- 1 ақпанда Әл-Фараби даңғылы, ШААЖ, Құлжа тас жолы, Саин, Шаляпин, Майлин, Бұқтырма көшелерінің аймағында түзетулер болуы мүмкін.
- 2 ақпан – Әл-Фараби, Сейфуллин даңғылдары, Саин, Жароков, Шаляпин көшелерінде.
Айта кету керек, жол шектеулері қоғамдық көліктердің жұмысына әсер етпейді.
