Мемлекеттік қолдаудың арқасында ауданда «Қайрат» индустриалды аймағы кереге жайған. Аумағы 198,3 га жерді алып жатқан индустриалды аймақта 11 жоба іске асырылады деп күтілуде.
«Индустриалдық аймақтың белсенділігін арттырып, жаңа өндіріс орындарының ашылуын қамтамасыз ету үшін әкімшілік тарапынан аймақтың жалпы ауданын 198 гектардан 345 гектарға кеңейтілуі көзделуде. Аталған жұмыстар аяқталғаннан кейін аймақта 25-ке жуық кәсіпорындар іске қосылып, 3000-ға жуық жұмыс орындары ашылмақ», — деп атап өтті Талғар ауданының әкімі Таңат Айдарбеков.
Ауданда 14 жылыжай шаруашылығы бар. Өткен маусымда 1,1 мың тонна өнім алынып, өсім 102,1%-ға жеткен.
Өңірдегі 32 елді мекеннің халқы көгілдір отынға қол жеткізген. Бүгінде Еламан, Көктал, Қайнар, Арқабай ауылдарында газдандыру жұмыстары жүргізіліп жатыр.
