«Жедел операция барысында Шығыс Қазақстан облысының полиция қызметкерлері синтетикалық есірткінің аса ірі партияларын жеткізумен айналысатын топты ұстады. Абай облысына қарасты Қалбатау ауылы маңындағы тас жолда 35 жастағы Алматы тұрғыны қолға түсті. Ол облыс орталығына «Субару Легаси» автокөлігімен бара жатқан. Жедел уәкілдер оның салонынан жапсырмамен оралған пакет тәркіледі. Пакеттің ішінен «жылдамдық» деп аталатын келіге жуық психотроптық зат табылған», — делінген хабарламада.
Баспасөз қызметінің мәліметіне сүйенсек, күдіктілер есірткі заттарын электронды ақпарат жүйесі арқылы өңірлерге таратуды жоспарлаған.
Тексеру барысында олар есірткінің бір бөлігін Текелі қаласындағы сыбайластарына қалдырғаны белгілі болды. Алматы облысының полиция қызметкерлері есірткінің бір бөлігін Текелі қаласынан 40 шақырым жерден тапқан. Ұсталған тұрғынның көлігін тексергенде салмағы 2 килограмм «мефедрон» психотроптық затының 4 түйірінен тұратын қалташа тәркіленген. Сондай-ақ, оның тұрғылықты жерінен «мефедрон» салынған 154 зип-пакеті, буып-түю материалдары мен таразы табылған.
