Аудан әкімі Н. Ертастың төрағалығымен өткен мәжіліске алқа мүшелері, аудандық мәслихат депуттары, аудандық бөлім, мекеме басшылары, ауылдық округтер әкімдері және БАҚ өкілдері қатысты.
Алқалы мәжілістің күн тәртібінде 6 мәселе қаралады:
1) 2023 жылғы 9 айдың қорытындысы бойынша ауданның әлеуметтік-экономикалық дамуы;
2) Аудандық статистика басқармасының 9 айда атқарылған жұмыстары туралы;
3) Мәнсап орталығының 9 айда атқарылған жұмыстары туралы;
4) Аудандық Кірістер басқармасының 9 айдың қорытындысы бойынша бюджеттің орындалуы және бюджетке түскен салықтар мен төлемдер туралы;
5) Кәсіпкерлік және ауыл шаруашылық саласы бойынша 9 айда атқарылған жұмыстары туралы;
6) Тұрғын үй-коммуналдық шаруашылық және тұрғын үй инспекциясы бөлімінің 9 айда атқарылған жұмыстары туралы.
Аталған мекеме басшылары өз саласындағы атқарылған жұмыстың 9 айлық қорытындысын баяндады.
Алқа мәжілісінің соңында Нұрлан Ертасұлы аудан әкімінің орынбасарларына аталған тапсырмаларды ерекше бақылауға алып орындалуын қадағалауды тапсырды.
