Жантүршігерлік оқиға 2020 жылғы қыркүйекте болған.
Басылым мәліметінше, Лама мен Тан Лу 2009 жылы некелескен. Тұрмыстық зорлық-зомбылықтан шаршаған әйелі 2020 жылғы маусымында ажырасуға арыз берген. Бұл шешімге келіспеген күйеуі бұрынғы әйелінің үйіне барып, үстіне бір шелек бензин құйып, оны өртеп жібереді. Қайғылы оқиға кезінде әйел тікелей эфирде отырған.
Кейін Ламаның аурухана реанимациясына түсіп, денесінің 90 пайызын күйік шалғаны белгілі болды. Туыстары оның денесі «көмір қалдығы» сияқты болып қалғанын айтты. Екі аптадан кейін әйел көз жұмды.
Лама әлеуметтік желінің белсенді қолданушысы болған. Тибеттік келіншектің тик-токтағы оқырмандар саны жүз мыңнан асады.
Ол платформада оптимистік постарымен танымал болған. Онда Лама ауылдың тіршілігін көрсетіп, тауларда серуендеп, түрлі шөптер жинап, тамақ дайындап, фонограммамен әндер орындаған. Ол мұның бәрін Тибеттің ұлттық костюмінде және макияжсыз түсірген.
Осындай оптимист әйелдің оқырмандары оның бұрынғы күйеуінен қысым көріп жүргенін білмеген.
