Таңмен таласа жұмысын бастаған сайлау учаскесінің бірі Ұзынағаш ауылындағы нөмірі 264-ші сайлау пункті. Мұндағы дауыс берушілердің саны 2 мыңнан астам. Алғашқылардың бірі болып, өз таңдауын жасағандарда бар. Ол ауыл тұрғыны Исатай Бейсебаев.
Сайлауға келуді өзінің азаматтық парызы деп санайтын жігіт ағасы бұл сайлаудың мән-маңызы ерекше деген пайымда.
«Жамбыл ауданында алғаш рет аудан әкімін халық сайлап жатыр. Бұл сайлау бұрынғыдан өзгерек. Мен өзім дауыс берген кандидатыма көп үміт артамын. Өңірдің көркеюі үшін өз үлесін қосады деген ойдамын. Еліміз аман, жұртымыз тыныш болсын», — дейді Исатай Бейсебаев.
Айта кетейік, бұл сайлау елімізде алғаш рет пилоттық жоба ретінде қолға алынған.
Жамбыл ауданын басқаруға құлықты үш бірдей кандидат сайлауға түсіп жатыр.
