Басқосуда шаруалар жерді тиімді пайдалану, субсидия жайлы ойларын ортаға салды.
Сонымен қатар ауыл шаруашылығы басқармасының мамандары мен ауыл әкімі елдімекеннің қазіргі жағдайын баяндады.
Кездесу барысында Марат Сұлтанғазиев Шеңгелдідегі ауыл шаруашылығы мақсатындағы жерлерді толық игеру қажет екенін айтты.
«Айтылған ұсыныстарыңыздың барлығын қолдаймыз. Бізге Шеңгелдіні толық жұмысқа қосу қажет. Ендігі жылға қарай жерді пайдаланушылар игерсін, болмаса, жерді босатсын. Бұл тапсырманы биыл бергенмін, орындалған жоқ. 14 000 гектар жер бар, оның 6,1 мың гектары ғана игерілген», — деді әкім.
Айта кетейік, Ауыл шаруашылығының экс-министрі Ербол Қарашөкеев Алматы облысына жасаған сапарында Шеңгелдіде жерді тамшылап суару әдісін қолданып, пияз өнімін арттыруға мүмкіндік бар екенін айтқан еді.
