Жүрек — өмірдің қозғалтқышы және оны сақтауға қамқорлық жасау — біздің міндетіміздің бірі.
Өткен жылы жүрек-қан тамырлары ауруынан 17 миллионнан астам адам қайтыс болды. Бұл дерт әлемдегі өлім-жітім мен мүгедектіктің басты себебі болып отыр. Жүрек-қан тамырлары ауруларының әкелетін факторлар: жоғары қан қысымы, холестерин және қандағы глюкоза деңгейі, темекі шегу, көкөністер мен жемістерді жеткіліксіз тұтыну, салмақтың жоғарылауы, семіздік және физикалық белсенділіктің болмауы.
Осы орайда Қарасай көпсалалы орталық аудандық ауруханасы 125 тұрғынға тегін қызмет көрсетті.
Мамандар келесі процедураларды орындады:
- Қан қысымын (ҚҚ) өлшеу,
- Холестерин мен қандағы қант деңгейін өлшеу,
- ЭКГ,
- Кардиологтардың кеңесі.
«Іс-шараға қатысқандардың барлығына алғыс айтамыз және жүрекке, жалпы денсаулыққа мән беріп, қадағалауға шақырамыз. Кішкентай қадамдар үлкен өзгеріс әкелуі мүмкін!» — делінген хабарламада.
