Биылғы жылдың 20 қыркүйегінде Жамбыл ауданы ПБ-ға Сарыбай би ауылының тұрғыны белгісіз біреулердің Қаншеңгел ауылының маңында орналасқан жайылымынан 18 бас ірі қара малын ұрлап кеткені туралы арызданды.
Аталған дерек ҚР ҚК 188-1-бабының 1-бөлігі бойынша аудандық полиция бөлімінде тіркелді (мал ұрлығы).
30.09.2023 жылы жедел-іздестіру іс-шарасы барысында полиция қызметкерлері 1996 және 2001 жылғы екі күдіктіні анықтап, ізін суытпай ұстады. Қазіргі уақытта деректі тергеудің жан-жақтылықты, толықтығын және объективтілігін қамтамасыз ету үшін барлық қажетті тергеу шаралары жүргізіліп жатыр. Аталған адамдардың өзге де осыған ұқсас қылмыстарға қатыстылығы тексерілуде.
Айта кету керек, күдіктілердің бірі көрші республиканың азаматы болып шықты. Ұсталғандар заңнамада белгіленген тәртіппен УҰИ-ға қамаққа алынды. ҚР ҚІЖК-нің 201-бабы шеңберіндегі өзге ақпарат жария етуге жатпайды.
