«Біз бірінші кезекте азаматтардың өмір сүру сапасын арттыру үшін елдімекендердің инженерлік инфрақұрылымын дамытуды қамтамасыз етуге тиіспіз. Бұл — жолдарды салу және жөндеу, энергиямен, сумен және газбен жабдықтау мәселелері», – деді Марат Сұлтанғазиев.
Айта кету керек, 2023 жылы облыс әкімінің тапсырмасы бойынша сумен жабдықтауға 17,7 млрд. теңге бөлінді, бұл өткен жылмен салыстырғанда 53%-ға артық. Су бұру жобаларын қаржыландыру 96%-ға өсіп, 15,2 млрд. теңгені құрады.
Елдімекендерді электрмен жабдықтау үшін 2,2 млрд. теңге бөлінді, бұл 2022 жылы бөлінген 426 млн. теңгемен салыстырғанда 81%-ға артық. Көлік инфрақұрылымын дамытуға 52,4 млрд. теңге бөлінді, бұл өткен жылы бөлінген қаражаттан 26%-ға артық.
2023 жылы газбен жабдықтау желілерін салу бойынша 13 жобаны іске асыруға бюджеттен 3,4 млрд. теңге бөлінді. Оның 9-ы 2022 жылдан өткен жобалар, 4-і жаңа. Мемлекеттік-жекеменшік әріптестік бойынша Талғар ауданы Ақтас, Ақдала, Жалғамыс және Балқаш ауданы Бақанаста 2 млрд. 729 млн. теңге сомасына 4 жоба іске асырылды. Табиғи газға 14,1 мың адам қол жеткізді. Сондай-ақ, биылғы жылы Жамбыл ауданы Үлгілі, Самсы ауылдарында газ құбыры мен газ тарату желілерінің құрылысы аяқталды.
Сумен жабдықтау мәселелері Жамбыл ауданы Ащысу, Балқаш ауданы Жиделі ауылдарында және Іле ауданы Междуреченск ауылының Шабыт шағын ауданында шешілді. Осы жылы Іле ауданы Өтеген батыр ауылы мен Боралдай кентінде кәріз қысымы жүйесі мен кәріз тазарту жүйесі құрылысын аяқтау жоспарланған.
Жергілікті бюджет қаражаты есебінен ұзындығы 242 км облыстық маңызы бар автожолдардың 29 учаскесінде орташа және күрделі жөндеу жүргізіліп жатыр.
