Сондай-ақ, жыл басынан бері Арал, Қазалы аудандары мен Байқоңыр қаласында ана өлімі тіркелген. Мамандар жүкті әйелдердің басым бөлігі қауіп-қатер жағдайында босанатынын айтады. Олардың денсаулығына экологиялық фактілер тікелей әсер етіп отыр. Өлім-жітімнің артуы кадр тапшылығымен де байланысты.
«Босандыру ұйымдарының барлығында 106 акушер-гинеколог жұмыс істесе, 71 пайызы оперативті техниканы меңгерген. Оның ішінде алтауы ғана кең көлемді оталар жасай алады. Бұл мәселе акушерлік шұғыл жағдайларда өте маңызды. Шалғай ауылдардағы жүкті әйелдер мен нәрестелерді медициналық қызметпен толық қамтамасыз ету кезінде осындай мәселелер туындауда», — дейді Қызылорда облыстық денсаулық сақтау басқармасының басшысы Сәбит Пазылов.
Айта кетелік, былтыр Атырау облысында 16 ана өлімі тіркелген. Денсаулық сақтау министрі Ажар Ғиният еліміздегі ана өлімінің артуын коронавируспен тікелей байланыстырған болатын.
