Олардың арасында «Мерейлі отбасы-2023» Ұлттық конкурсының Алматы облысы бойынша жеңімпазы, Жамбыл ауданынан қатысқан Адияттар әулеті бар, олар 1 000 000 теңгенің сертификатын алды.
Биыл конкурсқа 3 344 отбасы қатысты. Олардың 40% қалалық және 60% ауылдық отбасылар. Түрлі кәсіп пен еңбек әулеттерінен құралған 20 отбасы өңір жеңімпаздары атанды. Олардың қатарында ұстаздар, қолөнершілер, металлургтер, әскери қызметшілер, кәсіпкерлер, агроөнеркәсіп саласының мамандары бар.
Лауреат отбасылар дипломдармен және естелік сыйлықтармен марапатталды. Марапаттау рәсімі қазақ эстрада жұлдыздарының қатысуымен өткен мерекелік концертпен жалғасты.
