Ведомство қазақстандық дипломаттар бұл отбасының туыстарымен хабар алысып отырғанын нақтылады.
«Оларға барлық қажетті консулдық-құқықтық көмек көрсетіледі», — делінген Қазақстан Республикасы Сыртқы істер министрлігінің баспасөз қызметінде.
Сыртқы істер министрлігінің мәліметінше, оқиға 3 қыркүйекте Аланияда болған.
«Қайғылы оқиға орнында әйел (1989 жылы туған) мен оның екі жасар қызы қаза тапты. Отағасы, 1986 жылы туған ер адам ауыр халде жансақтау бөлімінде жатыр. 2014 жылы туған ұлы ауруханада жатыр, оның денсаулығы мен өміріне еш қауіп төндіп тұрған жоқ», — делінген Қазақстан Республикасы Сыртқы істер министрлігінің баспасөз қызметінде.
Сондай-ақ отбасы Түркияда турист ретінде жүргені және бүгін, 4 қыркүйекте елге оралуы керек болғаны айтылды.
Түрік ақпарат құралдарының хабарлауынша, тас жолда сафари көлігі жеңіл көлікпен соқтығысқан.
