Фестиваль 2-3 қыркүйекте «Боралдай сақ қорғандары» археологиялық саябағында өтеді.
Алматы қаласы Мәдениет басқармасының басшысы Ғани Майлыбаев Алматы қаласының Өңірлік коммуникациялар қызметінің брифингінде сөйлеген сөзінде қала тұрғындары мен қонақтарын қала күнін мерекелеудің ауқымды бағдарламасы күтіп тұрғанын атап өтті.
Мажарстан (Венгрия), Малайзия, Башқұртстан, Дағыстан, Таулы Алтай, Өзбекстан, Бурятия, Қырғызстан сияқты 10-ға жуық елдің қатысушылары этнофестивальге қатысуды жоспарлап отыр.
«Фестивальде ең мықты этномузыканттар мен спортшылар, аңшы құстары бар аңшылар мен қолданбалы өнер шеберлері өз өнерлерін көрсетеді. Этномәдени фестивальдің негізгі мақсаты-көшпелі халықтардың ежелгі тарихын жаңғырту, әр ұлттың болашақ ұрпаққа ұлттық бірегейлігін түсіндіру», — деді Ғ. Майлыбаев.
