Онда бұл көпірдің Еңбекшіқазақ және Талғар ауданы арасында тұрғаны айтылған. Аудандар арасындағы өткел қолдан жасалған.
Өзеннің арғы бетіне өтіп бара жатқан әйел көпір опырылып түсіп, суға құлап кеткен. Желі қолданушылары мұндай жағдайдың орын алуына әкімдікті кінәлап отыр.
«Әкімдік мәселені шешкенше біраз уақыт өтеді. Төтенше жағдайларға бюджеттен ақша бөлінбегені ме? Алда 1 қыркүйек келе жатыр. Балалар сабаққа осы көпір арқылы барады», — делінген видеоның сипаттамасында.
Ал Еңбекшіқазақ ауданының әкімдігі бұл жағдайға байланысты әлі ресми жауап берген жоқ.
