50 орынға арналған спорттық нысан Қарақастек ауылында бой көтеріп жатыр.
«СЕМ — Шоғы Құрылыс — Сервис» ЖШС кешеннің құрылысына жауапты мердігер ретінде бекітілген. Құрылыс жұмыстары 2022 жылдың маусым айында басталған, жоспарға сәйкес биылғы жылы қыркүйек айында қолданысқа өтуі тиіс.
Екі қабатты ғимаратта жертөледе қарастырылған. Жалпы ауданы — 1223,45 шаршы метр.
Кешенде ойын түрлеріне арналған: спорт зал, бокс, күрес залы, әкімшілік-тұрмыстық үй-жайлар бар.
Жұмыс барысын көзбен көрген Талғат Ескендірұлы оң бағасын берді.
«Мұндай спорт нысандары әр өңірге керек. Жастардың бос уақытын тиімді өткізуіне, спорт сүйер қауымның тұрақты түрде шынығуына таптырмас мүмкіндік сыйлайтын орын. Ғимарат құрылысы уақытылы жүргізіліп жатыр. Бұл қарқынын жоғалтпаса, белгіленген мерзімде пайдалануға берілетін болады», — деді Талғат Байеділов.
