Үкімет отырысынан соң өткен брифингте БАҚ өкілі министрдің бір жиын барысында хиджабты қолдайтынын айтқанын мәлім етті. Министр Ғани Бейсембаевқа «қолдайсыз ба, қолдамайсыз ба?» деп сұрақ қойды.
«Зайырлы мемлекет болғаннан кейін зайырлы елдің заңын орындауымыз керек», – деді министр.
«Зайырлы елдің заңы қандай?» деп нақтылады сұрағын журналист.
«Сіз де сауатты адамсыз. Зайырлы мемлекеттің не екенін оқып көріңіз», – деп жауап қайырды Бейсембаев.
