«Бұл мәселе Ұлттық экономика министрлігі деңгейінде әлі талқыланады. Менің ойымша, Қонаев қаласының ерекше мәртебесін ескере отырып, осы тақырып бойынша қосымша талқылау болады. Атап айтқанда, бұл бағыттағы қадамдар егжей-тегжейлі пысықталады», — деді министр.
Баяғы Қапшағай қаласы — Қазақстандағы казино ұйымдарының жұмыс жасауына келісім берілген өңірлердің бірі болатын. Ондай орындар елімізде екеу. Екіншісі Щучинск қаласында орныққан. Құмар ойындар бизнесі мемлекет бюджетіне айтарлықтай үлес қосып жүр. Өйткені, бәс тігетіндердің орталығы заңды түрде жұмыс істейді.
Айта кету керек, Қапшағай қаласы 15 жылдан кейін облыс орталығы ретінде құрылып, атауы Қонаев болып өзгертілді. Күн тәртібінде енді букмекерлер мен құмар ойын ойнайтындардың тағдыры тұр.
