Облыстық ПД баспасөз қызметінің мәліметінше, «Нива Шевроле» жүргізушісі дала жолымен келе жатып, тас жолға бүйірлей шыққан. Қозғалыстың қауіпсіздігіне көз жеткізбеуі салдарынан ол «УАЗ» автокөлігіне Жангелдин ауданы ауруханасының қызметтік машинасына соғылды. Салдарынан фельдшер қаза тапты. Ал жедел жәрдем көлігінің жүргізушісі көптеген дене жарақатын алды.
«Аталған факті бойынша ҚР ҚК 345-1-бабы 3-тармағы бойынша сотқа дейінгі тергеу амалдары басталды. Қазіргі уақытта сараптама тағайындалған», — деп атап өтті Қостанай облысы ПД баспасөз қызметі.
Жүргізілген сараптама барысында «Шевроле Нива» көлігінің 32 жастағы жүргізушісі мас күйде болғаны анықталды.
