ҚР ТЖМ мәліметінше, Меркі ауданының Ақтоған ауылынан 20 км жерде «Меркі орман және жануарлар дүниесін қорғау мекемесі» КММ (Аспара-Меркі орман шаруашылығы, 3-4 орамдары) аумағында таулы аумақта құрғақ шөп өртеніп жатыр.
Орман шаруашылығының ақпараты бойынша өрттің алдын ала аумағы 300 гектарға жеткен.
«Күрделі рельеф, жетуі қиын жер мен қатты жел өрт сөндіру жұмыстарын қиындатуда», — делінген ҚР ТЖМ таратқан мәліметте.
ҚР ТЖМ «Қазавиақұтқару» АҚ ЕО-145 тікұшағымен аэровизуалды барлау жүргізіліп жатыр.
