Учаскелерді игеруге мүмкіндігі жоқ адамдар осылайша қолдан жер тапшылығын тудырған. Салдарынан ауыл фермерлері мен халқы жерді игеру мүмкіндігінен айрылып, малға жайылым жер жетпеген. Уақыт өте келе бос жатқан жерлер тозуға айналған.
Бүгінгі таңда елімізде жайылымға 15 млн гектар жер жетпейді. Осындай мәселелерді шешу үшін Бас прокуратура Ауылшаруашылығы министрлігімен бірлесіп жұмыс жасап, мемлекетке қосымша 5 млн гектар жерді қайтаруды жоспарлап отыр.
Ал, жайылымдарды беру кезіндегі заң бұзушылықтар мен тиісті бақылау жасамау бойынша 520 лауазымды тұлға, оның ішінде 42 адам мемлекеттік қызметке кір келтірген әрекеттері үшін тәртіптік жауапқа тартылған.
